UN DEUS SALVAXE

Dous matrimonios, aparentemente cultos, educados e razoables, quedan na casa dunha das parellas para falar dun incidente no parque: o fillo dun partiu dous dentes ao fillo do outro. O encontro, que debería ser un simple trámite entre adultos civilizados, vai destapando pouco a pouco reproches, tensións de parella, clasismo, machismo e frustracións persoais. O ton cordial convértese nunha batalla verbal onde a educación se esgota, caen as máscaras e saen á luz os instintos máis primarios. Entre o humor ácido e a incomodidade, a obra pregúntanos canto hai de verdade na nosa suposta “civilización” e que pasa cando aparece o deus salvaxe que todos levamos agochado.