A HISTORIA DO COELLIÑO BRANCO

Nun día soleado, o coelliño branco sae da casa para ir á horta buscar coles coas que preparar un caldiño. Ao regresar, atópase coa súa porta pechada: unha cabra cabresa apoderouse da súa casa e ameázao con saltarlle enriba da cabeza se non marcha. Comeza así unha fermosa viaxe escénica na que o coelliño busca axuda para recuperar o seu fogar. A historia desenvolve un relato clásico no que o animal máis pequeno debe enfrontarse a un máis grande, pero cun xiro que destaca a importancia do apoio mutuo e da valentía, grazas á intervención da formiga. Un espectáculo musical, visual e participativo que achega á cativada aos valores da amizade e o coraxe, nun ton terno e divertido.