O LIBRO DA SELVA, O MUSICAL

ARTIKA CÍA.

XI FESTIVAL PEQUEÁRTIKO

O Libro da Selva: O Musical é unha vibrante reinterpretación contemporánea do clásico de Kipling, creada por Ártika Cía e dirixida a público familiar (+5 anos). Cun elenco de cinco actores e música orixinal en galego, o espectáculo explora valores como a diversidade, a cooperación e a sustentabilidade nunha posta en escena chea de enerxía, humor e emocións. Unha experiencia musical e visual para redescubrir a selva... ou quizais, a cidade.

SINOPSE:

Nun mundo urbano que se converte nunha nova selva, Mowgli é unha nena criada entre animais que teñen moito que dicir sobre o mundo actual. Punkies, rapeiros e heavys substitúen aos lobos, monos e voitres do conto orixinal, nunha viaxe chea de ritmo, humor e aprendizaxes. Acompañada por Baloo, Bagheera, Kaa ou Raksha, Mowgli deberá enfrontarse á ameaza de Shere Khan e descubrir quen é realmente, entre luces de cidade, música en directo e moita acción. O Libro da Selva: O Musical é unha adaptación contemporánea e familiar do clásico de Kipling, con música orixinal en galego, que nos convida a reflexionar sobre a amizade, a identidade, a convivencia e o respecto á natureza… mesmo cando a natureza é de asfalto. Dirección: Marcos Alonso Dramaturxia : versión libre do conto O libro da Selva de Rudyard Kipling realizada por Ártika Cía. Elenco: Rocío Salgado, Yoel Alonso, Fernanda Barrio, Marcos Alonso e Irene Lorenzo Coreografía: Rocío Salgado Deseño de iluminación: Anxo Fernández Composición musical e espazo sonoro: Anxo Fernandez Músico conceptual: Roi Fernández Letras: Anxo Fernández, Rocío Salgado e Roi Fernández Deseño e construción escenográfica: Gustavo Brito Deseño de vestiario: Gustavo Brito Confección: Chelo Davila Produción: Anxo Fernández Deseño gráfico e fotografía: The Office Comunicación Contido de comunicación: The Office Comunicación Videos promocionais: Jairo Iglesias