FESTIVAL DE CURTAMETRAXES AGARIMA

Agarima é un festival de cine que nace da necesidade de crear un espazo para a proxección e presentación de proxectos audiovisuais, xerados en escolas de cine galegas, en centro formativos audiovisuais ou como primeiras obras de cineastas novas. Este evento pretende tecer unha rede entre artistas para xerar encontros culturais nos que cada un poida achegar o seu quefacer artístico e, a través deste, chegar ao público; ademais de nutrir así a provincia de Pontevedra. Co-fundado por Eva Vaeli e Manu Sacoga. Producido por Nidara Studio e Ondamar Films, colectivos audiovisuais de Vigo.