BIPEDESTRUCCIÓN

Bipedestrucción, de Disiden.Cía, é unha proposta de danza contemporánea para público familiar que xoga co humor, o corpo e a identidade para preguntarse quen somos e quen queremos ser. Dous seres chegan desde outro universo e abúrrense de camiñar só sobre dous pés. Como criaturas curiosas, torpes, libres e desobedientes, comezan a buscar cal é a súa verdadeira maneira de moverse pola Terra. No seu percorrido aparecen a dúbida, o xogo, o apoio mutuo, a amizade e a necesidade de construír comunidade para seguir avanzando. A peza reivindica a diferenza, a liberdade de ser e a posibilidade de habitar o mundo fóra das normas establecidas. Cunha linguaxe física, visual e accesible, Bipedestrucción propón unha viaxe escénica chea de pequenos choques, beliscos de humor e preguntas necesarias. Un espectáculo familiar de danza contemporánea con conciencia LGTBIQA+, pensado para mirar o corpo, a identidade e as relacións desde a curiosidade, a tenrura e a liberdade.