FAMILIA NIJINSKA (ESTREA)

VACAburra

VI Festival Comediártiko

Familia Nijinska – VACAburra é unha conferencia escénica debuxada que revisita a historia da familia Nijinska, centrada nas figuras de Valslav Nijinsky —bailarín e coreógrafo diagnosticado con esquizofrenia— e a súa irmá Bronislava Nijinska, pioneira da danza esquecida polo canon. A compañía VACAburra propón unha ollada crítica e poética sobre a memoria, a saúde mental e os relatos oficiais da historia da danza, convidando ao público a imaxinar novos horizontes posibles a través da creación escénica. Un exercicio escénico disidente que mestura arte, historia e pensamento contemporáneo

SINOPSE:

A través dunha conferencia escénica debuxada, VACAburra revisita a historia da familia Nijinska: Valslav Nijinsky, bailarín e coreógrafo revolucionario diagnosticado con esquizofrenia, e a súa irmá Bronislava Nijinska, coreógrafa pioneira ignorada polo canon da historia da danza. A obra transita entre a palabra, o corpo e o trazo, propoñendo unha ollada crítica sobre os relatos hexemónicos da historia da arte, o estigma da saúde mental e o esquecemento das mulleres creadoras. Familia Nijinska non é só unha narración biográfica, senón unha interrogación viva sobre como se constrúe a memoria e quen decide que corpos e voces son dignas de ser recordadas. Un espectáculo poético, rebelde e profundamente humano.