Unha sala de teatro en Vigo diferente

Que é Ártika?

A Sala Ártika é un espazo que nace no ano 2014 na cidade de Vigo polo amor ás artes escénicas cuxo principal obxectivo é o de achegar o teatro a todos os habitantes tanto de Vigo como de Galicia. Ao longo destes 6 anos de traballo continuado, a Sala Ártika, é considerada como un punto de referencia cultural en todos os ámbitos territoriais: local, autonómico e nacional.

Á hora de establecer os nosos obxectivos como empresa cultural, partimos dunha idea máis grande, que é ser un proxecto integral onde se traballe todos os aspectos vinculados ás artes escénicas como poden ser: a exhibición de espectáculos, a creación escénica de todo tipo de propostas, a formación de futuros profesionais e espectadores, a produción de espectáculos de compañías de ámbito nacional e internacional ou a educación en valores a través de nosa ampla campaña escolar.

Que queremos conseguir?

Podemos definir a nosa misión como espazo escénico en:

Ofertar unha programación variada e de calidade de artes escénicas
Xerar un público crítico e activo vinculado ás diferentes disciplinas das artes escénicas.
Ofrecer unha formación diferenciada co fin de crear público e futuros profesionais.
Facer de Vigo unha cidade referente nas artes escénicas.
Impulsar o noso sector como alternativa a outro tipo de lecer.
Fomentar a creación e mantemento de emprego directa e indirectamente vinculado ao sector.
Apoiar a transformación de ideas en produtos escénicos da máxima calidade posible.

A maior programación de artes escénicas de toda Galicia

Na actualidade contamos coa maior programación de artes escénicas de toda Galicia. Isto tradúcese nunha oferta moi diferenciada con respecto a outros espazos pois nos caracterizamos por ofrecer unha ampla variedade xéneros para diferentes públicos.

Na nosa carteleira de espectáculos podes atopar tanto compañías galegas como outras comunidades autónomas e internacionais.

Escola de interpretación en Vigo

A Sala Ártika tamén funciona como escola de interpretación. Nela podes atopar unha ampla oferta de formación en artes escénicas no que se imparten cursos de teatro para diferentes idades, danza, ou acrobacia en telas.

Outro ámbito de actuación do noso proxecto é o referente as residencias artísticas. Esta pretende ofrecer as compañías un espazo profesional onde producir, ensaiar e facer a implantación técnica dos seus espectáculos, coas mellores condicións, tanto técnicas como humanas, ofrecendo tamén a posibilidade de estrear no noso espazo, cun mínimo de tres datas.

Coñece o equipo de Ártika

Fernanda Barrio

Cargo: Co- directora da Sala Ártika
Contacto: fernanda@artikavigo.com

Marcos Alonso

Cargo: Co-director da Sala Ártika
Contacto: marcos@artikavigo.com

Javier Quintana

Cargo: Departamento técnico
Contacto: tecnica@artikavigo.com

Anxo Fernández

Cargo: Administración e Produción
Contacto: anxo.fernandez@artikavigo.com

Rocío Salgado

Cargo: Distribución e administración
Contacto: rocio.salgado@artikavigo.com

Martín Martínez

Cargo: Comunicación e prensa
Contacto: prensa@artikavigo.com

Redescubre o teatro na Sala Ártika

Visita as nosas instalacións en Vigo e atopa unha nova forma de desfrutar das artes. Faite xa coas túas entradas!

Contactar

Obxecto da axuda
Programación en salas privadas	Sala Ártika desenvolve todas as actividades de programación de artes escénicas, grazas as axudas de: o Instituto Nacional das Artes Escénicas y Musicales (INAEM), A Axencia Galega das Industrias Culturais (AGADIC) e o Concello de Vigo
Aceleración	Sala Ártika desenvolve o proxecto de acompañamento e formación na área de marketing cultural dixital e transformación na xestión que conta con financiamento da Unión Europea - NextGenerationEU no marco das subvencións á aceleración cultural no ámbito das artes escénicas da Xunta de Galicia
Modernización	Sala Ártika recibiu axudas á modernización e xestión sustentable das infraestruturas das artes escénicas e musicais ao abeiro dos fondos de NextGenerationEU e o Mecanismo de recuperación e resiliencia.
Transición ecolóxica	Sala Ártika é beneficiaria do Bono energía PEME para a transición do equipo de iluminación escénica halóxena a LED.
Asociacións ás que pertencemos	Sala Ártika pertence a Rede Galega de Salas e a Rede de teatros alternativos