SANTIAGO MEIJIDE

CÁMARA ÁRTIKA

O pianista galego Santiago Meijide preséntase no ambigú da Sala Ártika dentro do I ciclo CamarÁrtika cun concerto que amosa a súa traxectoria internacional e refinada formación en interpretación clásica. Un encontro íntimo coa excelencia pianística, marcado pola emoción, a técnica e a sensibilidade musical.

SINOPSE:

Santiago Meijide Fernández, nado en Vigo en 1988, comezou a súa formación musical aos sete anos. Estudou na Escola Superior de Música de Cataluña (ESMUC) con L. Sintsev e R. Salinas, e perfeccionouse na Academia Gnessin de Moscova con S. Senkov. Posteriormente cursou o Máster en Interpretación Solista no Centro Superior Katarina Gurska de Madrid co profesor Alexander Kandelaki, acadando as máximas cualificacións. O seu desenvolvemento artístico enriqueciuse con clases maxistrais de prestixiosos músicos como O. Semouchina, N. Keredzelidze, M. Semionov, Cuarteto Casals, Kennedy Moretti ou Charles Tunnel, consolidando unha voz pianística persoal e sofisticada.