LECTURAS DRAMATIZADAS «PEZAS PARA SALVAR O MUNDO»

Destinado a: profesionais e non profesionais. O clube de lectura teatral é un espazo de encontro arredor da dramaturxia contemporánea na sala Ártika, en colaboración co laboratorio de escrita para teatro “peças para salvar o mundo”, coordinado por Ricardo Correia, Vanesa Sotelo e Sónia Ferreira. Ao longo das sesións, as persoas participantes (profesionais e non profesionais) lerán pezas de recente creación, dialogarán coas súas creadoras e participarán nun proceso práctico de ensaio e creación escénica que culminará cunha presentación pública. A actividade busca divulgar novas dramaturxias, favorecer o intercambio Galicia-Portugal e abrir un espazo de debate sobre cuestións de actualidade, ofrecendo ferramentas interpretativas e achegando ao público ao propio proceso de creación escénica. Estrutúrase en catro encontros de tarde Xoves 5 de febreiro (18.00 a 20.00): Presentación e primeira lectura. Xoves 12 de febreiro (18.00 a 20.00): Ensaio. Xoves 19 de febreiro (18.00 a 20.00): Ensaio. Xoves 26 de febreiro (18.00 a 20.00): Ensaio da lectura (necesidades técnicas). Domingo 1 de marzo (16.00 a 20.00): Ensaio e presentación pública. As inscricións están abertas até o 2 de febreiro.